+5999 - 737 9222

info@probista.com

Nona ta konta 3

Nos nabegantenan tda hendenan ku sigur a marka historia. Prinsipalmente esnan di Boneiru. Pasobra na Boneru no ta’tin kompanianan kku por a trese trabou, p’asina e bendenan por a keda traha riba nan mes isla. Nan tabatin di bai traha riba barkunan entre Kòrsou, Aruba i otro partinan di mundu. Ta un trabou ku kua nan tabata gana sufisiente plaka, p’asina nan famianan por a biba un poko mas trankil. Solamente ku nan tabatin di keda lunanan largu for di kas, pues tambe for di nan famianan. Pero e tabata un trabou ku hopi riesgo pa nan bida, maner a sosodé den temporada di Segundo Guera Mundial òf den mal tempu. Hopi di nan a pèrdè nan bida riba lama. Den mi famia tambe tabatin hopi nabegante. Esnan mas yegá di mi tabata mi abuelo Felipe Clarinda (q.e.p.d.) i su yu ku ta mi tata Salvador Clarinda. Felipe Clarinda tabata un kapitan di awa dushi ku a nabegá riba e Golèt Niagara. Mi tata a nabegá hopi tempu riba tènkernan dje kompania di Shell. E buki aki mi ta dedik’é na nan dos, prinsipalmente mi tata, kende ayudami ku hopi ingormashon balioso tokante nabegshon. Mi ta spera ku e buki aki lo ta un fuente di informashon mas pa nos muchanan, p’asona nan siña konosé un otro part di nos historia ku ta algu sigur importante pa nan sa di dje.

1 in stock