Napa

Pierre Antoiine Lauffer (1920-1981) ta un di e prinsipal outornan ku a skirbi na papiamentu. Su poema-i kuentanan kortiku ta alkansa nivel ku por kompeti ku obranan universal. Lauffer a registra di un forma uniko den kuantioso obra literario su inmenso amor pa i dedikashon na su lenga meadterno papiamentu i su isla natal Korsou. Ku e ritmo i e kadan tipiko di papiamentu el a pinta kuadro bibu di en Korsou di su tempu. Fundashon Pierre Lauffer, den su afan pa promove i propaga e herensia literario di Pierre Lauffer, a i lo sigui publika tantu loke el a bai laga na manuskrito komo publidashonnan ku a aparese durante su bida, pero ku entretantu ta agota. Pierre Lauffer su obranan ta de balor trasendental pa papiamentu i su literatura.