Chimichimi

E obra aki ta un di e proyektonan ku “Konseho pa personan ku hèndikèp” na Kòrsou a entamá den Aña Internahonal di hende ku hèndikèp. Meta di e proyekto aki tabata pa realisá un kolekshon di obra na papiamentu, pa asina komundiat siña konosé balornan di un persona desabilitá. Pa logra e prouekto aki, a buska hendenan ku tin saber di tur e aspektonan ku un kollekshon asina ta eksiguí. Dos komishon di hende motivá i apto, a tuma e tarea aki riba nan. E komishon organisadó tabata konsistí di dos bibliotekario, un pedagogo is dos yefrou di enseñansa speshal, un eksperto riba tereno finansiero i un miembro di “Konseho pa personanan ku hèndikèp”. Den e komishon di redakshon tabatin dos bibliotekario, un eskritor, un pedagogo, un persona ku hèndikèp, un mama di un yu retardá, un lingwista i un instruktor di papiamentu. Pa skohe e eskritornan, e komishon organisadó a disidí di no buska outornan ya konosí, pero di stimulá peronanan tabata motivá pa profundisá den e mundu di hende ku hèndikèp. Edisishon aki a resultá hopi positivo, pasobara den e eskritornan tin tambe un persona ku un hèndikèp i dos mama ku ta konta di nan mes eksperensha. E selekshon de e obranan, tantu poesia komo prosa, ta duna un bista balansá riba diferente tipo di hèndikèp. Ta esaki entre odtro a pone nos kai riba e nòmber “Chimichimi”. Chimichimi ta un mata masha útil: sa usa e simia komo remedi i e fruta seku komo maraka. Meskos ku e kolekshon aki ta konsistí di varios obra, e fruta di chimichimi tamne ta konsistí di varios simia chikitul ku kana un, kon chikitu ku e ta tin su balor. Asina tambe nos mester apresiá hendenan ku hèndikèp komo individuo, ku di un of otro manera tin balor pa komunidat. I maske no ta tur ora ta mira nan, tantu e hende ku hèndikèp komo e chimichimi t’ei semper. Nos ke gradisí “Fundahon pa komunikashon grafiko” i “Grupo di Trabou pa Aña Internashonal di hende ku hèndikèp” na Hulanda pa nan ayudo finansiero pa ku e proyekto aki. Nos ta súmamente kontentu ku e koperashon ku nos a haña i nos ta spera ku “Chimichimi” lo haña un lugá spesial den tur kashi di buki na Antia! Aña 1981 a ser proklamá pa nashonnan Uní komo Aña internashonal di hende ku hèndikèp.Meta di e proklamashon aki,ta pa hasi mundu hinté konsiente di nesesidatnan i problemanan di e hendenaqn aki.Diferente aktividat manera kampaña di informashon, dia nan di estudio i aktividatnan pa krea fondo a tuma lugá. Esakinan sigur a kontribuí na e bon kousa pa aliviá problemannan ,deseonnan i emoshonnan personal. Meskos ku turhende e persona desabilitá tin su propio kurso di bida for di e momentu ku e nase te na e momentu ku e muri.E tin ku lucha ku su hèndikèp pa e por yega na asept’é; e tin ku soportá malkomprenshon i ignoransha di hendenan ku ta rondoné , e tin ku bringa ku su sintimentunan i deseonan ku otronan no ta rekonosé semper ; e tin ku demonstrá ku ounke e tin un hèndikèp; e ta un individuo útl ku por kontribuí na desaroyo di su komunidat. e tin ku lucha pa mustra ku e tambe tin un meta den su bida. E ke logra desaroyo di su kapasidatnan ,e ke ta felis,e ke ta útil ie ke kompartí su felisidat ku otro hende.