Di bèrdèbèrdè

Kada ser den e mundu akí tin su motibu di eksistensia i tin un meta. tin ta biba pa sirbi Dios i su pueblo komo estadista,pero sea komo sea : kada ken tin un meta.Den Kòrsou di ántes no tabatin hopi hende muhé ta move riba tereno polítiko . Por bisa ku ami ta un di e pioneronan .mi ta kontentu ku despues di mi i otronan,awendia tin mas ánimo di porti di hende muhé pa polítika,pasobra : -ken por sinti mihó ku un hende muhé kiko ta problema di un mama ,òf di un famía kaminda e tata ta sin trabou; -ken , den un kominidat kaminda hopi biaha e mama so ta karga tur responsabilidat,por sinti mihó e nesesidatnan di bida ?

ta p’esei semper ta hende muhé lo ta esun ku ta bringa mas pa muhé haña i konservá derechi i rèspèt.
polítika, partikularmente den un komunidat chikí manera esun di kòrsou òf hasta esun di Antía Hulandes , por resultá kruel. den polítika no semper ta tene kuenta ku intimidat i privasidat di su partisipantenan. Esaki ta algu ku pa hende muhé semper ta pisa mas ku pa hende hòmber. Apesar di esei si awe mi tira un bista atras, mi ta yega na e konklushon ku e balansa ta na fabor di e kosnan ku a dunami satisfakshon den polítika. P’esei ta ku nostalgia i sierto duele mi ta kòrda mi tempu di polítika aktivo. te ainda mi ta sigui aserka polítika di kòrsou, Antía Hulandes i di mundu ,pa ora ku ta nesesario mi por duna konseho na esnan ku ta apresiá esei.