Ester

Ester? Un novela nobo?

Ester ta un buki di Beibel ku bo ta haña den e promé parti ku yama Tèstamènt Bieu. E buki aki ta konta e historia di Ester, un mucha muhé hudiu. E ta biba den eksilio den e reino pèrsa grandi bou di guia di e famoso rei Xèrxès, ku a goberná di 485 te 465 promé ku Kristu. E ta yega na bira reina i asina haña e oportunidat pa salba su pueblo for di man di enemigunan ku ker a kaba ku nan. Te dia djawe e fiesta hudiu ‘ Purim’ ta konmemorá e suseso aki i ta selebrá e echo ku hustisia, piedat i fieldat semper ta triunfá.

Sosiedat Antiano di Beibel ta tradusí, publiká i distribuí Beibel. E buki aki ta un tradukshon obo konforme nos prinsipionan pa tradusí Beibel na papiamentu koriente. Nos ta spera ku e tradukshon aki ta yuda kombensé tur hende ku Beibel tin un mensahe pa tur hende, pa tur okashon, pa tur tempu.

Ku muchu gustu Sosiedat Antiano di Beibel ta regalá e buki aki na okashon di Siman di Beibel 1989 na pueblo di Antia i Aruba.

Sosiedat Antiano di Beibel